Olaleerya Wookhweya

Wira Nipacerihe Soosoma sa Biibiliya eSaabadu Yoopacerya ya Maio

“Niireke itiini sinnikumiherya ophenta ni murettele, wala sinikumiherya onyokhana ni ohaaxana? [Nwehereryeke waakhuliwa.] Kiniphavela owooniheryani etthu yooloka osuwela mmwaha owo”. Munvahe mwaneene etthoko erevista A Sentinela 1 ya Marso ni muthokorerye masu ari vathi va muru mukhaani woopacerya epax. 16, nto muthanle yoolepa emosa wira musome. Munvahe irevista, ni mumpake palano wira mwaakhule nikoho ninttharelana.

Sentinela 1 ya Maio

“Anamunceene anikupali wira ti vooloka itiini wiirela mpantta epoliitika; masi akina aniira khivanloka. Nyuwo munoonela sai? [Nwehereryeke waakhuliwa.] Moone etthu Yesu iirale awe vaavo atthu yaaphavela aya omukeliha epoliitika. [Mmusome Yohani 6:15.] Erevista ela ennihimya nthowa naya Yesu aakhoontte awe okela epoliitika; nave-tho ennitthokiherya saana moota maKristau aniwerya aya waakhaliherya atthu a mmuttettheni mwaya”.

Despertai! a Maio

“Waaniheryasa otheene ahu nootoko wiireliwa itthu soohixariya. Niireke vanooweryaneya omaliha muxankiho ola? [Nwehereryeke waakhuliwa.] Moone eprofesia ela enimulavula mwene onirowa omaliha ohikhala exariya. [Musome Esalimo 72:11-14.] Erevista ela, enilavula sa anatiri ari mBiibiliyani wira moohipisa enookhala exariya yinceene”.