Olaleerya Wookhweya

Wira Nipacerihe Soosoma sa Biibiliya eSaabadu Yoopacerya ya Junyo

“Yoolepa ya Yesaya 42:8, Biblya Exirima, ennooniherya wira Muluku ohaana nsina. Nto munoonela sai, ti vootthuneya orumeela nsina na Muluku? [Nwehereryeke waakhuliwa.] Nwehe enihimmwa-mu”. Munvahe mwaneene etthoko A Sentinela 1 ya Junyo, ni muthokorerye masu ari vathi va muru mwaamukhaani woopacerya epax. 16. Munvahe irevista ni mumpake palano wira mwaakhule nikoho ninttharelana.

Sentinela 1 ya Junyo

“Kiniphavela wookohani mwaha wootthuneya. [Mukhunule epax. 3, ni mmooniherye elista eri vaavo.] Eponto xeeni enivarihana ni moonelo anyu voohimya sa Biibiliya? [Nwehereryeke waakhuliwa.] Moone ele Biibiliya onihimya awe. [Mmusome aRoma 15:4.] Erevista ela ennitthokiherya itthu 5 nthowa naya Biibiliya ovirikanne awe ni iliivuru sikina ni moota okhanle awe ooniphwanyiha mireerelo”.

Despertai! a Junyo

“Khula mwaakha anamunceene anniwereiwa mwaha wa eyoolya yoohiloka. Munoonela sai, eyoolya ya muttetthe ahu ti yooloka? [Nwehereryeke waakhuliwa.] Erevista ela, ennihimya itthu 4 sinrowa okhaliherya emusi ahu wira ehiphwanye iretta sinikhuma mwaha wa eyoolya. Nave, ennihimya wira moovarihana ni Biibiliya, moohipisa atthu otheene anookhalana eyoolya yooloka.” Musome Esalimo 104:14, 15.