Olaleerya Wookhweya

Wira Nipacerihe Soosoma sa Biibiliya eSaabadu Yoopacerya, Junyo

“Atthu anceene nilavulanne ahu anniphavela oweha murettele valaponi. Masi hata vaari siiso, hiyo niniweha ikhotto. Nyuwo munoonela sai, xeeni murettele onithowa aya mulaponi”? [Nwehererye waakhuliwa.] Mmooniherye epaaxina yookiserya ya Owehaweha 1 ya Junyo, ni muthokorerye mwaha ori vathi va nikoho noopacerya, ni musome yoolepa emosa eromoliwe. Munvahe irevista, ni mwiiwanane nihiku nootthikela wira mwaakhule nikoho ninttharelana.

Nwehe ela: Yowooniherya ela ehaana opakiwa okathi wa muthukumano wa orowa olaleerya 1 a Junyo.

OWEHAWEHA 1 a Junyo

“Hiyo nnaaxukurya atthu muttetthe ola mowaakuveya nilavulaka sa muxankiho onaphwanya atthu otheene. Atthu anceene aatoko ohaawa mwaha wa nthalu. Nyuwo munuupuwela wira wookhala opuro mulaponi nihikhanle aya nthalu? [Nwehererye waakhuliwa.] Nwehe moota Muluku onathokorerya awe atthu otheene. [Mmusome Miteko 10:34.] Erevista ela ennooniherya moota Muluku onirowa awe omaliha nthalu wa okathi wotheene”.

Despertai! a Junyo

“Hiyo nimphavela osuwela moonelo anyu voohimya sa etthu emosa. Okhala wene hiyo ninniphavela okumi wooloka. Nyuwo munoona sai, niireke nnoowerya ophwanya okumi owo nithumaka itthu sinci sa muhakhu? [Nwehererye waakhuliwa.] Nwehe ele Yesu ohimmye awe mmwaha owo. [Mmusome Luka 12:15.] Erevista ela ennooniherya moonelo wooloka voohimya sa muhakhu ni ennivaha malakiheryo ootthuneya wa moota nikhanle ahu oorumeela saana musurukhu ahu”.