Olaleerya Wookhweya

Wira Nipacerihe Soosoma sa Biibiliya eSaabadu Yoopacerya ya Abril

“Waabatiza atthu, etthu enimakela opakiwa ni maKristau anceene. Nyuwo munoonela sai? Niireke wira obatizo etthu yootthuneya? [Nwehereryeke waakhuliwa.] Muru ola onnitthokiherya itthu sikina voohimya sa obatizo”. Munvahe mwaneene etthoko erevista A Sentinela 1 ya Abril, nto muthokorerye hoothe muru mwaamukhaani woopacerya ori epax. 16, ni musome yoolepa emosa eromoliwe vaavo. Munvahe irevista ni nvarihane nihiku nootthikela othokorerya nikoho ninttharelana.

Sentinela 1 ya Abril

“Sihaavo miyuupuwelo sinceene voohimya sa Yesu. Atthu akina anoona wira owo aari Moopoli aaleiheriwe. Akinaku anihimya wira owo aari mutthu ooloka paahi. Nlelo akina anihimya wira Yesu khotonko okhala. Nyuwo munoonela sai mwaha ola? [Nwehereryeke waakhuliwa.] Moovarihana ni Biibiliya, osuwela ekeekhai voohimya sa Yesu ti vootthuneya. [Mmusome Yohani 17:3.] Erevista ela, ennaakhula moovarihana ni Biibiliya makoho makina animakela okohiwa voohimya sa Yesu.

Despertai! a Abril

Nnaaxukurya atthu nivaraka muteko onikhaliherya itthoko. Nyuwo munnikupali wira olelo-va itthoko sinnikhalana mixankiho sinceene? [Nwehereryeke waakhuliwa.] Itthoko sinceene sihoona miruku iya okhala sookhaliherya. [Musome Esalimo 119:105.] Erevista ela ennitthokiherya moota otthara malakiheryo a Biibiliya, onikhaliherya aya itthoko seiye tiithi wala maama orimwaaphwanya awe anamwane”.