Olaleerya Wookhweya

Wira Nipacerihe Soosoma sa Biibiliya eSaabadu Yoopacerya ya Janero

“Nimphavela osuwela moonelo anyu. Niireke Muluku ookhalana nsina? [Nwehererye waakhuliwa.] Nwehe ela elempwale-va”. Munvahe mwaneene etthoko erevista Owehaweha 1 ya Janero, ni mmooniherye muru ori epaaxina yookiserya, ni muthokorerye hoothe masu ari vathi va muru mukhaani woopacerya, nto muthanle yoolepa emosa wira musome. Munvahe irevista, ni mwiiwanane nihiku nootthikela wira mwaakhule nikoho ninttharelana.

Owehaweha 1 ya Janero

“Atthu anceene annilavula sa omala wa elapo. Munoonela sai, niireke nihaana woova omala wa elapo ela? [Nwehererye waakhuliwa.] Moovarihana ni eveersu ela, anookhala atthu anirowa woopowa. [Mmusome 1 Yohani 2:17.] Erevista ela ennooniherya waakhula wa Biibiliya, wa makoho 4 animakela opakiwa voohimya sa omala wa elapo”.

Despertai! a Janero

“Nnaaxukurya atthu muttetthe ola. Munoonela sai, ti vootthuneya imusi ovarihela muteko masu ala a Yesu? [Musome Miteko 20:35b. Nto, nwehererye waakhuliwa.] Owiixuttiha anamwane wira yaattittimiheke atthu akina, muxankiho muulupale elapo ela, maana atthu anceene anuupuwela myaha saya paahi. Erevista ela, ennihimya myaha sikina sikhanle oowaakhaliherya anamuyari waahuwa anaaya wira yaattittimiheke atthu akina”.