Nihimyeke Exeeni Naakawaka Irevista

Sentinela 1 ya Marso

“Sookhala miyuupuwelo soovirikana voohimya sa Yesu. Nyuwo munuupuwela wira Yesu ti mwaana a Muluku, wala mutthu ooloka paahi?” Nwehereryeke waakhuliwa. Nto, musome hoothe nikoho nimosa mwa ale alempwale ni ileetera sooriipa ari ipaaxina 16-17, ni yoolepa emosa eromoliwe-vo. Nvahe irevista, ni mpake marehereryo wira mutthikele omuxukurya mutthu owo wira mwaakhule nikoho ninttharelana.

Despertai! a Marso

Mwamphwanya mmiravo, mmooniherye muru ori epaaxina 26. Nto mmuthoonyerye muru mwaamukhaani ori vaavo, mmukohaka so: “Masu ala ta ekeekhai wala khahiyo a ekeekhai? [Nwehereryeke waakhuliwa. Nto mmusome 2 aKorinto 7:1.] Erevista ela ennitthokiherya ele enitthuneya anyu osuwela voohimya sa soona, ni moota woomuhiya”.

Sentinela 1 ya Abril

“Anamunceene annikupali itthu sinceene voohimya sa Yesu. Nyuwo munoona wira ti vootthuneya osuwela ekeekhai voohimya sa owo? [Nwehereryeke waakhuliwa. Nto mmusome Yohani 17:3.] Erevista ela ennitthokiherya ele Biibiliya enihimya awe sa Yesu, eyo piiyo, aakhumme woowi, okathi aakhanle awe, ni nthowa naya aakhwiiye awe”.

Despertai! a Abril

“Khamunikupali wira okhweliwa mmusi, etthu yootepexa waaxankiha apinaatamu? [Nwehereryeke waakhuliwa.] Anamunceene ahoona yoolepa ela okhala yookhaliherya. [Musome Esalimo. 55:23.] Erevista ela ennooniherya itthu sikina sinikhaliherya vaavo vaninla ahu mwaha wookhweliwa, ni ennitthokiherya moota woomuleela Muluku ovela-vela wahu”.