Olaleerya Wookhweya

Wira Nipacerihe Soosoma sa Biibiliya eSaabadu Yoopacerya, Abril

“Hiyo nnaatumererya anamwaattamanani ahu omusoma Biibiliya aya. Masi anamunceene, anuupuwela wira Biibiliya toovila omwiiwexexa. Niireke ni nyuwo munuupuwela siiso? [Nwehererye waakhuliwa.] Nwehe ele enihimmwa va”. Mmooniherye epaaxina yookiserya ya Owehaweha 1 ya Abril, ni muthokorerye hoothe mwaha ori vathi va nikoho noopacerya ni muthanle yoolepa emosa wira musome. Munvahe irevista, ni mwiiwanane nihiku nootthikela wira mwaakhule nikoho ninttharelana.

OWEHAWEHA 1 ya Abril

“Atthu otheene ninlavulana ahu sinnaaphwanya mixankiho. Eyo enniwiiriha akina okoha voohimya sa yoolakela ya okumi. Munoonela sai, etthu xeeni yuulupale enikhoottiherya ohakalala olelo-va? [Nwehererye waakhuliwa.] Biibiliya onnileiherya wira moohipisa Muluku onirowa omaliha mixankiho ninkumana ahu. [Mmusome Wisupulula 21:4.] Erevista ela ennitthokiherya moota okumi ahu onirowa aya okhala muhoolo, ni moota ninrowa ahu ophwanya ohakalala pooti naanano va”.

Despertai! a Abril

“Ohaaxana vatthokoni ori muxankiho wa elapo yotheene. Akina anihimya wira oniiriha, ori makhalelo atthu, emusi eyariwe aya, ni otthekula wootakhala. Munoonela sai, exeeni enikumiherya ohaaxana vatthokoni? [Nwehererye waakhuliwa.] Biibiliya onnooniherya wataana wooloka onitthuneya okhala eriyari ya atthu oothelana. [Mmusome aÉfeso 5:33.] Erevista ela ennitthokiherya moota itthoko sikina sikhaliheriwa aya mwaha woorumeela malakiheryo a Biibiliya”.