Olaleerya Wookhweya

Wira Nipacerihe Soosoma sa Biibiliya eSaabadu Yoopacerya ya Akosto

“Atthu anneettela itiini soovirikana ni annimulompa Muluku mwa inamuna soovirikana. Nto munoonela sai, exeeni Muluku onuupuwela awe mmwaha owo? [Nwehereryeke waakhuliwa.] Nkawehani masu Yesu aalavunle awe”. Munvahe mwaneene etthoko erevista 1 ya Akosto ni muthokorerye mwaha woopacerya epaaxina 16 ni musome yoolepa eromoliwe mapuro awo. Munvahe irevista, ni mpake marehereryo wira mutthikele omuxukurya mutthu owo wira mwaakhule nikoho ninttharelana.

Sentinela 1 ya Akosto

“Niireke ti vooloka owiixuttiha anamwane masu a Muluku, wala nihaana waawehererya wunnuwa wira athanleke mekhaya etiini aniphavela aya? [Nwehereryeke waakhuliwa.] Nkahaya nwehe ele Biibiliya onaahimeerya awe anamuyari. [Mmusome aÉfeso 6:4.] Erevista ela ennooniherya moota anamuyari akhanle aya owiixuttihaka anamwane masu a Muluku”.

Despertai! a Akosto

“Munoonela sai yoolepa ela? [Mmusome 1 Samuweli 16:23.] Moovarihana ni yoolepa ela, masipo aakhalana ikuru. Nyuwo munoonela sai, niireke wira isipo sotheene ti sooloka? [Nwehereryeke waakhuliwa.] Erevista ela ennooniherya moota woothanla saana miyuusika sooloka, ni moota wowaakhaliherya aniihu othanla isipo sooloka”.