Olaleerya Wookhweya

Wira Nipacerihe Soosoma sa Biibiliya eSaabadu Yoopacerya, Agosto

“Kinoona wira atthu otheene annipaka mavekelo okathi mukina. Hata atthu ahinikupali wira Muluku ohaavo, annivekela okathi wa mixankiho. Munoonela sai, niireke Muluku onniwiriyana mavekelo otheene?” Nwehererye waakhuliwa. Mmooniherye epaaxina yookiserya ya Owehaweha 1 ya Agosto, ni muthokorerye hoothe mwaha ori vathi va nikoho noopacerya ni muthanle yoolepa emosa wira musome. Munvahe irevista, ni mwiiwanane nihiku nootthikela wira mwaakhule nikoho ninttharelana.

Nwehe ela: Yowooniherya ela ehaana opakiwa okathi wa muthukumano wa orowa olaleerya 3 a Agosto.

OWEHAWEHA 1 ya Agosto

“Nnaaxukurya atthu mwaha woowi anamunceene aaxankiheya wa moota epornografia yuulaanale aya olelo-va. Masi, atthu akina anuupuwela wira epornografia khahiyo otthekula wootakhala. Munoonela sai? [Nwehererye waakhuliwa.] Yesu aahimyale wira nnoowerya osuwela akhala wira etthu eyo ti yooloka orweela mwa mihokorokho saya. [Mmusome Matheyo 7:17] Erevista ela ennithokorerya mixankiho sinikumiheriwa ni epornografia. Nave-tho, ennivaha malakiheryo oovareleya muteko wa moota woohiya woona epornografia”.

Despertai! a Agosto

“Anamunceene a hiyo anniphavela okhala mahiku manceene. Nyuwo munoona wira orowa vahoolo wa siensia onoonikhaliherya okhalana okumi ohinimala? [Nwehererye waakhuliwa.] Nwehe yooleiherya ela yoohakalaliha. [Mmusome 1 aKorinto 15:26.] Masi Muluku onrowa opaka sai ela? Niireke orweela mwa siensia wala etthu ekina? Nto, xeeni nnuuluvala ahu ni okhwa? Erevista ela ennooniherya waakhula wa Biibiliya wa makoho ala”.