Olaleerya Wookhweya

Wira Nipacerihe Soosoma sa Biibiliya eSaabadu Yoopacerya ya Setembro

“Anamunceene anikupali wira Muluku onrowa waaphukela atthu ottharihelaka sowiira saya. Nyuwo munupuwela wira nihaana woova Nihiku Noophukela, wala nihaana olipelelaka moohakalala? [Nwehererye waakhuliwa.] Nkawehani ele ehimmwale va”. Munvahe mwaneene etthoko erevista Owehaweha 1 ya Setembro ni muthokorerye hoothe masu ari vathi wa muru mwaamukhaani woopacerya epaaxina 16, nto muthanle yoolepa wira musome. Munvahe irevista, ni mwiiwanane nihiku nootthikela.

Owehaweha 1 ya Setembro

“Mapuro manceene mulaponi, athiyana annihaaxiwa ni ohooneliwa etthu. Mooriipiha murima, itiini soowoka sinnikhaliherya okhumelela wa itthu iyo. Nyuwo munuupuwela wira tthiri Muluku onniwoonela vatthu axithiyana? [Nwehererye waakhuliwa.] Nkawehani ele Biibiliya enaatumererya awe alopwana athenle. [Mmusome aÉefeso 5:28, 29.] Erevista ela ennithokorerya ele Biibiliya enihimya awe sa moota Muluku oniwoonela awe athiyana”.

Despertai! a Setembro

“Atthu anceene anihimya wira muhoolo itthu sotheene sikumi sinohononiwa, mwaha wa ekhotto nuclear wala ihasara seephattu, ntoko maluku animora musulu ni ovirikana wa ipheyo sa olumwenku wotheene. Nyuwo munoona wira itthu iyo sinimwiiraneya tthiri wala munoona okhala ethiru? [Nwehererye waakhuliwa.] Biibiliya onnivaha nlipelelo nla noohakalaliha. [Musome Esalimo 37: 29.] Erevista ela ennitthokiherya itthu seiye sinihimmwa okhala sowoopiha vamosa ni ele Biibiliya enihimya awe sa muhoolo”.