Munniphavela Ottottela Mureerelo Erevista ya Enkelexi Yookhweya?

Vano, erevista A Sentinela enisommwa mmulokoni enniphwanyaneya ni nttaava na Enkelexi yookhweya. Erevista ela alepeliwe (1) anamalaleerya anilavula Enkelexi yaawo anrowa ottottela mureerelo moolumo ookhweya, waaniheryasa akhala wira asomme vakhaani; (2) anamalaleerya yaale nttaava naya nooyaraniwa nihikhanle Enkelexi; (3) amiravo waahela muhina yaale anampacerya osoma oxikola wala ahimalinhe; ni (4) ale animusoma Biibiliya masi anilavula Enkelexi anitthuneya masu ookhweya ni ooluluwanya wira yiiwexexeke masu a Muluku.

Mammeru a ittima, makoho ni miru suulupale, sinnivarihana ni erevista ya khalai elimalenle ahu. Myaha sinilavuliwa ni erevista ya Enkelexi yookhweya sinoolikana ni erevista ya khalai elimalenle ahu, masi erevista ela ya Enkelexi enirumeela masu ookhweya. Muthukumano onirumeeliwa Enkelexi, munna oniiriha Yoosoma ya A Sentinela ni mulipa oosoma ittima, anrowa orumeelaka erevista ya khalai elimaleliwe. Masi akhala wira alipa-oowiriyana anceene anirumeela erevista ya Enkelexi yookhweya, ole oniiriha yoosoma ni munna onisoma ittima, anrowa orumeela erevista ya Enkelexi yookhweya. Erevista ela yookhalana soolepa, malikanyiho, ni ittima sinilikana ni erevista ya khalai elimaleliwe, wira ale anirumeela aweryeke waakhula.

Nto, ale aniphavela waakhela erevista ela, ahaana omuhimeerya munna onivekela irevista sa muloko.