Soohimmwa

◼ Iliivuru sinrowa okaiwaka mweeri wa Feverero: Anamalaleerya pooti okawaka iliivuru ntoko iya: Existe Um Criador Que Se Importa com Você?, Esiiri ya Etthoko Yoohakalala, ni A Bíblia—Palavra de Deus ou de Homem?       Marso: Biibiliya Oniixuttiha Exeeni Tthiri? Mwiimananihe opaceriha soosoma sa Biibiliya mmukwaha woopacerya oxukurya. Akhala wira atthu a vatthokoni aakhalana eliivuru eyo, masi khaniphavela omusoma Biibiliya, pooti ovaha erevista ya khalai wala ebroxura enimusivela mutthu owo.

◼ Mwaha wa vameekhaaya onrowa olavuliwa woomalani wa esumana nuuvira Wuupuwelela Okhwa wa Yesu, oni: “Munnisuwela Wira Nootepa Waattamela Wanikisa?”

◼ Khuta okathi munna oniphavela awe orowa elapo ekina, ehilempwale murelatoorioni ya muteko ya mwaakha yoowo, wala nsina na elapo eyo nihilempwale epaaxina yookiserya ya Anuário a mwaakha yoowo, xontte ohaana olepela efiliyaali awe wira ovahiwe malakiheryo anitthuneya otthara. Muteko woolaleerya elapo ele, waaniheryasa pooti okhoottihiwaka. (Math. 10:16) Ilapo sikina, pooti ohireerela atthu anixukurya okumana ni Anamoona a mapuro ale wala miloko. Soolakiherya sikina pooti ovahiwa voohimya sa moota woolaleerya mohiilokiherya, wala moota wookuxa iliivuru. Nto, wiiwananeya wanyu onrowa okhaliherya osyaka itthu saarowa wooxankihani wala oxankiha muteko wa olaleya Omwene elapo ele.—1 aKor. 14:33, 40.