Eprograma ya Esumana 5 ya Marso

ESUMANA 5 YA MARSO

Nsipo 103 ni Nivekelo

□ Yoosoma ya Biibiliya ya Muloko:

bt-T muru 17 itti. 15-19 (min. 25)

□ Exikola ya Orummwa wa Muluku:

Omusoma Biibiliya: Yeremiya 1-4 (min. 10)

N.° 1: Yeremiya 3:14-25 (minutu 4 wala ohiphiya)

N.° 2: Nthowa Naya Okuxa Nsina na Yehova Onnihakalaliha Aya—Yes. 43:12 (min. 5)

N.° 3: Biibiliya Onimoonela Sai Mutthu Onimwalana Ophavelaka Othelana ni Mutthu Mukina?—rs-T epax. 76 etti. 3-epax. 77 etti. 3 (min.5)

□ Muthukumano wa Orummwa:

Nsipo 94

5 min: Soohimmwa sa mmulokoni.

10 min: Muttottele Mureerelo Efolyeeto Examine as Escrituras Diariamente, 2012. Mulavule ntoko mwaha. Mowaakuveya muthokorerye masu oopacerya a efolyeeto eyo. Nuumala vo, mwaavekele alipa oowiriyana wira ahimye okathi anithokorerya aya yoolepa ya khula nihiku, ni mureerelo aniphwanya aya. Wanikisa, muthokorerye yoolepa ya mwaakha wa 2012.

10 min: Munnikhaliherya Wira Erelatoorio Ekhumeleke Saana? (Mir. 25:25) Mwaha ni makoho vakhaani onilavuliwa ni sakrataari a mmulokoni, orumeelaka A Sentinela 15 de Akosto 2011, epax. 22. Murumeele ettima 3 wira mwaatumererye anamalaleerya otheene ovahaka erelatoorio aya khula mweeri.

10 min: Nikhaliheryo na Moota Wookawa Irevista, Marso. Mwaha ni makoho vakhaani. Murumeele munutu 1 wala 2 wira muhimye myaha vakhaani siri murevistani sinaasivela atthu a muttetthe anyu. Moottharelana, murumeele mwaha ori vakaapani wa A Sentinela, ni mwaavekele alipa-oowiriyana wira ahimye nikoho ni soolepa sinireerela orumeela. Mpake etthu emosaru ni Despertai! murumeelaka mwaha ori vakaapani. Okathi wakhala, muthanle muru mmosa murevistani mmo wira muthokorerye. Mooniherye moota wookawa khuta erevista.

Nsipo 75 ni Nivekelo