Yehova Onniwiriyana Mavekelo a Arumeyi Awe​—Mwaha ola onikhuma Anuário das Testemunhas de Jeová, 2013

Mianmar

Epaaxina 91, ettima 2 mpakha epaaxina 92 ettima 1

Awiixutti Oopacerya a Nloko Nniitthaniwa Kayin

Mwaakha wa 1940, pioneera Ruby Goff aalaleerya muttetthe wa Insein, epooma yaamukhaani ya Yangon. Okhala wira atthu yaasiveliwa ekeekhai yaari vakhaani, owo aahinvekela Muluku wira: “Xontte, Yehova mukikhaliherye wira kimphwanye mutthu oolikana ni ‘epwittipwitthi’ kihinatthi orowa owaani”. Moohipisa, owo aahimphwanya muthiyana empa yoottharelana aitthaniwa Hmwe Kyaing a nloko na Kayin, eetta ekerexa Batista, yoowo aawiriyanne saana ihapari sa Omwene. Moohipisa Hmwe Kyaing ni anaawe yaitthaniwa, Chu May (Daisy) ni Hnin May (Lily), yaahipacerya omusoma Biibiliya ni orowa vahoolo momunepani. Nnaamwi Hmwe Kyaing aakhwiiye mowaakuveya, nto Lily, yoowo aari ookiserya oyariwa, muhoolo mwaya aahikhala Namoona a Yehova oopacerya a nloko Kayin. Nave-tho Daisy aahibatiziwa.

Lily ni Daisy yaahikhala mapioneera ooluttuweliwa ni yaahihiya ntakiheryo nooloka nomunepani. Olelo-va, osuulu aya wa omunepani ni alipa oomusoma Biibiliya imiya sene, annimurumeela Yehova oMianmar ni ilapo sikina.