Eprograma ya Muteko wa Opioneero Wookilaatheya

Muteko wa opioneero onivekela okhalana eprograma yooloka. Vakhala wira munniviriha iwoora 18 mulaleeryaka khula esumana, munoowerya okhala pioneero ni okhalana ifeeriya sanyu nlelo! Eprograma moota ola ennimweemererya mutthu waakhwaniherya iwoora sawe hata sikhumelelaka itthu sootutuxerya ntoko owereiwa wala epula ehinimaaxa. Eprograma eri vathi-vo enrowa waakhaliherya anamalaleerya yaale anivara muteko mahiku vakhaani vasumanani wala ale anirowa omutekoni mahiku otheene, ni ale aniwereyasiwa ahinikhalana ikuru sa ovara muteko okathi munceene. Mwapaka marehereryo, woonasa wene mutthu mmosa a vatthokoni vanyu, pooti okela opioneero okhuma mweeri wa Setembro. Tthiri vaamureerela othokorerya mwaha ola okathi wa omulompa Muluku vatthokoni vanyu!