Niireke Nyuwo Mwanwerya Weererya Eyaakha Emosa Paahi?

Weererya exeeni? Opioneero wookilaatheya! Tthiri eyo enimoophwanyihani mareeliho manceene!​—Mir 10:22.

MWAKHALA PIONEERO, NYUWO MUNOOWERYA . . .

• wiixutta inamuna soolaleerya soovara murima ni muteko owo onrowa otepaka woosivelani.

• olipiha wataana wanyu ni Yehova. Khula okathi onirowa anyu waatthokiheryaka atthu voohimya sa yena, nto munrowa otepaka osuwela makhalelo awe oovara murima.

• otteeliwa murima mwaha wa opweha miteko sa Omwene nipuro noopacerya mweekumini mwanyu, ni wiivahererya wira mwaakhaliheryeke atthu akina.​—Mat 6:33; Mit 20:35.

• orowa muthukumano wa mapioneero onihooleliwa ni mutokweene a esirkwitu mmulokoni, muthukumano wa vameekhaaya onipakiwa okathi wa khula asembeleya, ni Exikola ya Muteko wa Opioneero.

• okhalana eparakha yuulupale ya opaceriha ni wiiriha soosoma sa Biibiliya.

• ovirihaka okathi munceene ni anamalaleerya akina, nto munrowa olipihanaka mukina ni mukhwaawe.​—aRo 1:11, 12.