Musyakeke Miraakho Iya Okathi Oniiriha Anyu Yoosoma ya Biibiliya

Waatta Soohimya: Muhooneke wira vanitthuneya otthokiherya khula etthu enilavula anyu. Yesu aahirumeela makoho wira aakhaliherye atthu wuupuwelela ni ophwanya waakhuliwa wa makoho aya. (Mat 17:24-27) Makoho anoomwiiriha ole onimusomiha anyu ohimya eri vamurimani vawe, nto eyo enimookhaliheryani osuwela ele yiiwale awe wala enaamini awe. (be-T 253 itti. 3-4) Mwapaka nikoho, mpixeke murima ni mulipeleleke waakhuliwa. Vakhala wira mutthu owo onaakhula moohireerela, ohiya omuhimeerya enamuna yookhalela yowaakhula, mmukhaliheryeke mwaneene owo owerya osuwela waakhuliwa waya mpakaka makoho makina ookhweya. (be-T 238 itti. 1-2.) Mulavuleke mwa enamuna enimweemererya ole onimusomiha anyu wiiwexexa itthu sa niinano siniixutta awe.​—be-T 230 etti. 4.

Olavula Itthu Soovila: Musyakeke ohimya itthu sotheene sinisuwela anyu sinivarihana ni mwaha owo. (Yoh 16:12) Muttittimiheryeke iponto suulupale paahi sa khula ettima. (be-T 226 itti. 4-5) Ohimya itthu sinceene pooti omooceeliha mutthu owo wiiwexexa iponto suulupale. (be-T 235 etti. 3) Vakhala wira ole onimusomiha anyu ohiiwexexa eponto yuulupale, muroweke ettima ekina.

Muhiphaveleke Osoma Ittima Sowaatta Paahi: Yoolakela ahu waavara murima atthu, ohiya omaliha eliivuru paahi. (Luk 24:32) Murumeeleke owerya wa Nuulumo na Muluku musomaka soolepa suulupale sa mwaha owo. (2 aKor 10:4; aHé 4:12; be-T 144 itti. 1-3) Murumeeleke malikanyiho ookhweya. (be-T 245 itti. 2-4) Musuweleke mixankiho ni itthu sinikupali awe ole onimusomiha anyu, nto mulokiheryeke yoosoma eyo muupuwelaka itthu iyo. Mmukoheke so: “Munoonela sai ele eniixutta anyu mpantta ola?” “Mwaha ola onniixuttiha exeeni voohimya sa Yehova?” “Mureerelo xeeni onirowa anyu ophwanya mwattharihela miruku iya?”​—be-T 238 itti. 3-5; 259 etti. 1.