Murumeeleke Mwa Miruku Redes Sociais

OTTHUNEYA WAYA: Moolikanasa ni ikaruma sikina, redes sociais pooti okhala ekaruma yookhaliherya. MaKristau makina khaniphavela orumeela redes sociais. Masi akina annirumeela redes sociais wira eweryeke ovaanela ni amusi aya ni apatthani. Diabo oniphavela wira nirumeeleke redes sociais mwa enamuna yoohikhalela, wira nihonone mweettelo ahu ni waataana wahu ni Yehova. Moolikanasa ni Yesu, hiyo pooti orumeela malakiheryo a Nuulumo na Muluku wira nisuwele sowoopiha nintthuneya ahu osyaka.​—Luk 4:4, 8, 12.

MIRAKHO NINTTHUNEYA AHU OSYAKA:

• Orumeela Redes Social Mootepana. Oviriha okathi munceene nirumeelaka redes sociais, pooti oniiriha ohonona okathi naarowa ahu orumeelaka nivaraka itthu sinimusivela Yehova.

  Malakiheryo a Biibiliya: aÉf 5:15, 16; aFi 1:10

• Oweha itthu soohiloka. Oweha ifootu siniwooniheya atthu ehinwanre saana, pooti omwiirihaka mutthu ophavela oweha epornografia, wala orupihana woohiloka. Osoma iliivuru sa anammwareya wala okela isaiti saya, pooti ohonona waamini wahu.

  Malakiheryo a Biibiliya: Mat 5:28; aFi 4:8

• Olepa mihupi soohikhalela wala ohela munternetini ifootu soohireerela. Mwaha wa woototha wa murima ahu, mutthu pooti okhalanaka yoolema ya orumeela redes sociais wira olepe mihupi soohikhalela wala ohela ifootu soohireerela. Masi eyo pooti ohonona mweettelo awe wala omutteettheiha omunepani.

  Malakiheryo a Biibiliya: aRo 14:13; aÉf 4:29

NWEHE EVIIDIYU ENI: MURUMEELEKE MWA MIRUKU REDES SOCIAIS, NUUMALA-VO, MUULUULE MOOTA WOOSYAKA OTAKIHA SOOLEMA SINITTHARELANA: