Tani Ari Apatthani Anyu a Mwinternetini?

Mpatthani eekeekhai ti “yoole nnimphenta ahu nave ninsiveliwa ahu vanceene ni yena”. Mwa ntakiheryo, Yonathani ni Davidi yaahikhalana opatthani woolipa nuumala Davidi omwiiva Goliyathi. (1 Sa 18:1) Khula mmosa aahikhalana mikhalelo sooloka saamwiiriha olipiha opatthani aya. Wira nikhalane opatthani woolipa nihaana osuwelana saana. Wira nimusuwele mutthu mukina, nihaana oviriha okathi ni wiimananiha vanceene. Moovirikana ni vo, muredes sociais vannikhweya waaphwanya atthu anikhala wira apatthani. Apatthani a mwinternetini aahiiso a muredes sociais anniwerya opaka itthu ni ohimya wira yaasivelihe atthu akina. Okhala wira khivaniweryaneya osuwela mikhalelo saya, nto nihaana waathanla saana ‘apatthani ahu a mwinternetini’. Muhoove waakhootta atthu awo muhinaasuwela anyu aniphavela okhala apatthani anyu, muupuwelaka wira munimwaaripiha murima aahiiso munimwaanyoonyiha. Mwaha wa mixankiho sinikhumelela, anna akina aathanla ohimurumeela redes sociais. Nto muhinatthi opacerya omurumeela redes sociais, etthu xeeni mukhanle anyu oowuupuwelela?

NWEHE EVIIDIYU ENI: MURUMEELEKE MWA MIRUKU REDES SOCIAIS. NUUMALA-VO, MWAAKHULEKE MAKOHO ALA ANITTHARELANA:

• 

  Exeeni mukhanle anyu oowuupuwelela muhinatthi ohela efootu aahiiso ekomentaario?

• 

  Xeeni munreerela anyu okhalana ephoole okathi munaathanla anyu apatthani a mwinternetini?

• 

  Xeeni munireerela anyu osuwela okathi muniviriha anyu mmurumeelaka redes sociais?—aEef 5:15, 16