Murumeele Esite Ahu Okathi wa Yoosoma Yoomwaneene ni Yeetthoko

Musome Irevista sa Niinano Munternetini: Musome irevista Owehaweha ni Despertai! munternetini, isumana sinceene muhinatthi waakhela mmulokoni. Nwiriyane irevista soogravariwa.—Murowe opuro oni: “Publicações/Revistas”.

Musome Myaha Sinirwa Munternetini Paahi: Myaha sikina, ntoko “Myaha sa Amiravo“, “Sowiixutta Saka sa Biibiliya“, “Myaha Soothokorerya Vatthokoni“, ni “Amiravo Annikoha“, vano siniphwanyaneya munternetini paahi. Murowe munternetini, ni muthokorerye myaha iyo okathi wa yoosoma anyu yoomwaneene ni ya etthoko.—Murowe opuro: “Ensinos Bíblicos/Crianças, wala Ensinos Bíblicos/Adolescentes”.

Nwehe Ihapari Isya: Musome irelatoorio soolipiha ni sowiiraneya, ni nwehe iviidiyu sinooniherya wunnuwa wa muteko ahu elapo yotheene. Irelatoorio voohimya sa ihasara ni olupatthiwa wa annihu, pooti onikhaliherya waavekelela mooluluwanya anna awo anihaawa. (Yak. 5:16)—Murowe opuro oni: “Notícias”.

Mutokose Myaha Sikina Murumeelaka Ebiblioteka ya Internet: Akhala wira ebiblioteka ya Internet enniphwanyaneya ni nttaava nanyu, mmurumeele komputadore wala selulari, wira musome yoolepa ya khula nihiku, wala otokosa iliivuru sahu sa niinano.—Murowe opuro oni: “Publicações/biblioteca On-Line”, wala mulepe www.wol.jw.org opuro wooreerela.

[Eponto yuulupale epaaxina 4]

Mweererye Orumeela Esite Ahu

1 Mukilikari elatarato wala opuro oni: “Baixe esta lição”. Elatarato eyo enookumiherya edukumento PDF. Nto mwimpirimiri edukumento eyo, ni munvahe mwaninyu wira omalelihe olepa.

2 Mukilikari opuro oni: “Play”, wira nwehe eviidiyu.