Murumeele Esite Ahu Wira Mwaakhaliherye Atthu Anilavula Nttaava Nikina
Mmooniherye Web Site Ahu: Mooniherye moota woorumeela elista ya mattaava eni: “Idioma do Site”, wira mutthu owo owehe eWeb site ya nttaava nawe. (Mattaava makina, khaniphwanyaneya esite ela.)
Mmooniherye Web Site a Nttaava Nawe: Mmooniherye opuro oniphwanyaneya iliivuru sahu, ntoko Biibiliya Oniixuttiha Exeeni wala etratato Osuwela Ekeekhai. Muthanle nttaava na mutthu owo opuro oni: “Leia Em”.
Mooniherye Moota Woowiriyana Muru Mmosa: Mwaavye muru mmosa woogaravariwa wa nttaava na mutthu owo, ni murumihe mwaha owo. Akhala wira munixutta nttaava nikina, munnuuherye wiixutta wanyu nwiriyanaka mwaha woogaravariwa a nttaava nenlo, vaavo munisoma anyu.—Murowe opuro oni: “Publicações/Livros e Brochuras”, wala “Publicações/Revistas”.
Mwaalaleerye Ale Ahiniiwa: Mwamphwanya mutthu ohiniiwa, mmooniherye eviidiyu ya nttaava ninlavuliwa ni matata enimooniherya Biibiliya, eliivuru, ebroxura, wala etratato.—Murowe opuro oni: “Publicações/Língua de Sinais”.
[Eponto yuulupale epaaxina 6]
Mweererye Orumeela Esite Ahu
1 Mukilikari ebotau ela wira murumihe epantte yookaravariwa (akhala wira enniphwanyaneya nttaava nanyu), wala ebotau eni: “Opções de Download”, wira mbaxari.
2 Muthanle nttaava nikina opuro oni: “Leia Em”, wira mooniherye epaaxina eyo ni nttaava nlo.
3 Mukilikari opuro oni: “Próximo”, wala epantte eni: “Sumário” wira musome muru onittharelana.