“Mwaaphavelaka Iliivuru sa Nttaava Nikina Mowaakuva”

Ikwaha sikina hiyo ninnaaphwanya atthu aniphavela osoma iliivuru sahu masi mu nttaava nenne nihirina ahu vamulokoni. Munnisuwela wira nyuwo pooti ophwanya iliivuru iyo mmattaava anivikana 400 mu Internet ni wimpirimiri nttaava nimphavela anyu? Malakiheryo anittharelana annooniherya moota woopaka eyo:

• Murowe www.watchtower.org, mu Internet opuro ori epaaxina ahu yoweemereriwa.

• Moono woolopwana wa epaaxina ehunle anyu yookhala elista ya mattaava. Mukilikari eglobo enooniherya elista anyu mattaava otheene.

• Mukilikari nttaava nimphavela anyu. Vano enookhumelela epaaxina eniruuha eliivuru eniphavela anyu wimpirimiri, ntoko itratato, ibroxura, ni myaha sikina. Okhala wira epaaxina ela elempwale ni nttaava nithanlale anyu, muhixanke akhala wira miru saya khasinooneya saana.

• Mukilikari eliivuru eniphavela anyu. Mwaha ene onookhumelela vamonitoreni vanyu, nto pooti wimpirimiri mwaha okhumenle.

Epaaxina ahu ya Internet kheheliwe iliivuru sotheene; okhala wira iliivuru sikina sookhala mmulokoni. Vaavo vanimphwanya anyu mutthu oniphavela iliivuru sa nttaava nikina, ti vooloka ovekela iliivuru iyo vamulokoni.