Malakiheryo a Moota Woosoma

Niireke munnittottela mureerelo otthokiheriwa wa soolepa siniphwanyaneya Eliivuru Enaakhaliherya Anamoona a Yehova Otokosa Myaha Sikumiheriwe?

Otthokiheriwa iwo pooti wookhaliheryani otokosa vanceene Nuulumo na Muluku. Nyuwo pooti ophwanya soohimmwa ni makhalelo a itthu siiraneya okathi owo eversiikulu ya mbiibiliyani, exeeni yiirinhe olempwa, atthu alepeliwe wala yootaphulela ya nuulumo, aahiiso efrase.

EBIIBILIOTEKA ONLAINE ya Torre de Vigia ni aplikativo JW Library, nyuwo pooti ophwanya ireferensia sa Eliivuru Enaakhaliherya Anamoona a Yehova Otokosa Myaha Sikumiheriwe muttapunyaka eversiikulu ya Biibiliya. Nyuwo pooti ophwanya Ireferensia iyo sa yoosoma, ya khula eversau ya Biibiliya munirumeela anyu.

Myaha sikumiheriwe niinaano sinoophwanyaneyaka osulu wa elista. Woonasa wene, myaha sa khalai siniphwanyaneya vathi wa elista, sookhalana mwiixuttiho olokiheriwe. Nto nweheke saana etaata okathi munitokosa anyu.

• EBIIBILIOTEKA ONLAINE ya Torre de Vigia, ireferensia munrowa anyu ophwanya Eliivuru Enaakhaliherya Anamoona a Yehova Otokosa Myaha Sikumiheriwe enaatuwalisariwa moohipisa.

• Wiira murumeele ireferensia iyo va JW Library, muhaana obaxari Eliivuru Enaakhaliherya Anamoona a Yehova Otokosa Myaha Sikumiheriwe ni mwaatuwalisariki khula okathi. Enamuna emosa yookhweya opaka eyo ori ottapunya neeku nri opuro owo mpantta wa osulu wa yoosoma ya khula ekapiitulu ya Biibiliya.