Watchtower EBIBLIOTEKA ONLAINE
Watchtower
EBIBLIOTEKA ONLAINE
Emakhuwa
  • BIIBILIYA
  • ILIIVURU
  • MITHUKUMANO
  • my mwaha 42
  • Buuru Onnilavula

Mpantta ola khekhanle eviidiyu.

Muniswaamihe, khivaniweryaneya orumiha eviidiyu ela.

  • Buuru Onnilavula
  • Eliivuru Aka ya Miyaha Sa Biibiliya
  • Mwaha Onlikana Nuula
  • Buuru a Balaamu Onnilavula
    Mwiixutte Myaha sa Biibiliya
  • Yesu Onrwa Ntoko Mwene
    Eliivuru Aka ya Miyaha Sa Biibiliya
  • Myaha Sinithokoreriwa sa eliivuru ya Mammeru
    Biibiliya a Elapo Esya a Soolempwa Soowaarya
Eliivuru Aka ya Miyaha Sa Biibiliya
my mwaha 42

Mwaha 42

Buuru Onnilavula

MONTOKO omwiiwa buuru olavulaka? ‘Nnaari,’ nyuwo pooti ohimya siiso. ‘Inamaa khisinlavula.’ Masi Biibiliya onnihimya sa buuru aalavunle. Nrowee noone moota ela yiiranen’ya aya.

AnaIsarayeli ahanle vakhaani okela elapo ya oKanani. Balaki mwene oMowabi, oniwoova anaIsarayeli. Siiso onnimwiihaniha mulopwana oolavilavi oniihaniwa Balaamu wira orwee waalaphe anaIsarayeli. Balaki onnimmana natiri a onvaha Balaamu musurukhu munceene, nto Balaamu oninwela buuru awe ni onapacerya mukwaha awe woorowa okumana ni Balaki.

Yehova khomphavela wira Balaamu olaphe nloko Nawe. Siiso owo onirumiha nlaikha nikunxe ekatana yoorakama wi neemele mphironi wira nimweemexa Balaamu. Balaamu khonwerya woona nlaikha nna, masi buuru awe onnoona. Siiso buuru onnivikaniha weererya ohapuwa nlaikha, nto wanikisa waya onimmaathi mphironi paahi. Balaamu oonanariwa vanceene, nto onimmana buuru awe ni ekopo.

Nuumala vo Yehova onnimwiiriha Balaamu omwiiwa buuru awe omulavulihaka. ‘Etthu xeeni ewiirihalyakani wira nyuwo mukimaneke?’ onnikoha buuru.

‘Mookipakiha okhala ntoko mulolo,’ onnaakhula Balaamu. ‘Kaarina ekatana saano kiwiivaleni!’

‘Kootoko owiirihani siisa?’ buuru onnikoha.

‘Nnaari,’ onnaakhula Balaamu.

Nuumala vo Yehova onnimwiiriha Balaamu woona nlaikha nikunxe ekatana neemenle ene mphironi. Nlaikha nnihimya so: ‘Mummanenle-ni buuru anyu? Kirweenle ottiyelela ephiro anyu, wira nyuwo muhirowe waalapha a Isarayeli. Vaakhanleke wira buuru anyu khaakihapunwe, saano kiwiivaleni, masi voohinvulaliha buuru anyu.’

Balaamu onihimya so: ‘Miyo koottheka. Miyo nkaasuwenle wira nyuwo mweemenle mphironi.’ Nlaikha ninnimuhiya Balaamu orowaka, nto Balaamu onnirowa okumana ni Balaki. Balaamu ola nlelo onneererya waalapha a Isarayeli, masi, moovirikana ni vo, Yehova onniiriha wi owo omureelihe Isarayeli ikwaha tthaaru.

Mothakoni 21:21-35; 22:1-41; 23:1-30; 24:10-25.

    Watchtower EBIBILIOTEKA ONLAINE (1982-2025)
    Okhuma
    Okela
    • Emakhuwa
    • Ovaha
    • Siniphavela Anyu
    • Copyright © 2025 Watch Tower Bible and Tract Society of Pennsylvania
    • Malamulo Oorumeela
    • Mwaha Woosuka Isiiri
    • Privacy Settings
    • JW.ORG
    • Okela
    Ovaha