EPANTTE 4

Exeeni Yaakhumelenle Mwaha wa Onwiriyana Satana?

Adamu ni Eva khiyaamwiiwelenle Muluku tivo-nto akhwiiye aya. Maphattuwelo 3:6, 23

Eva yaahilya muhokorokho wookhottihiwa nuumala-vo khunvaha Adamu

Eva yaahinwiriyana Satana khulyaaka muhokorokho ole wookhoottihiwa. Nuumala yaahinvaha Adamu khulya.

Adamu ni Eva yoomoliwaka mParayiisu yaakhala aya

Adamu ni Eva yaahimutthekela Muluku. Tivo-nto Muluku aahiwoomola mParayiisu.

Adamu, Eva ni anaaya yaahikela mmaxakhani. Khuuluvalaka ni khukhwa. Awo khiyaaronwe nipuro ninkhala minepa, yaarimookhwa-tu.

Atthu ookhwa kharina ekumi anoolikana ni etthaya. Maphattuwelo 3:19

Atthu a makhalelo oovirikana yaakhala ipantte sa okathi woovirikana

Hiyo ninnookhwa okhala wira niyariwe ni Adamu ni Eva. Atthu ookhwa khaniwerya woona, wiiwa wala opaka etthu.—Musuweli 9:5, 10.

Mwali okhwiiye nto eyo ennaaripiha murima amusi awe

Yehova khaaphavela wira atthu akhweeke. Moohipisa Yehova onrowa waahihimuxa atthu yaale akhwiiye. Akhala wira anonwiriyana anoophwanya ekumi yoohimala.