Yesu Aari Aani?

Yehova aahimuruma Yesu orwa elapo ya vathi. 1 Yohani 4:9

Akhala wira hiyo nimphavela omuhakalaliha Yehova, ookhala mutthu mukina-tho onitthuneya ahu onwiriyana. Yehova ohinatthi ompattuxa Adamu, aahipattuxa nlaikha noowerya wiirimu.

Moovira wa okathi, Yehova aahiiriha wira mwanawe owo oyariwe oBethelehemu ni muthiyana yoowo ahaatonko orupa ni mulopwana. Mwaana owo iihaniwa Yesu.​—Yohani 6:38.

Yesu okathi ari awe elapo ya vathi, aahooniherya moolokexa mikhalelo sa Muluku. Owo aari ooreera murima, ophenta ni ookhweya olavulana. Mohoova, Yesu aahiwiixuttiha atthu akina ekeekhai voohimya sa Yehova.

Yesu aapaka itthu sooloka masi aahinyokhiwa. 1 Pedru 2:21-24

Yesu ahaapenuxa atthu yaawereiwa ni ahaahihimuxa ale yaakhwiiye.

Anamahoolela a etiini yaanimunyokha Yesu okhala wira anaaleela atthu wira sowiixuttiha saya saari itthu sowoothiwa ni mweettelo aya waari woohiloka.

Anamahoolela a etiini, yaahaatumererya aRoma wira ammane ni amwiive Yesu.