Niireke ehaavo esiiri ya etthoko yoohakalala?

ELE BIIBILIYA ONIHIMYA AWE

“Òreriwa toko t’ale anìwa molumo a Muluku, enettela”.​—Luka 11:28, Biblia solempwa sowarya.

ELE ENITAPHULELA AYA WA NYUWO

Ophwanya ophenta wekeekhai.​—aÉfeso 5:28, 29.

Ophwanya nttittimiho nooloka.​—aÉfeso 5:33.

Ophwanya omaaleleya wekeekhai.​—Marko 10:6-9.

NNOOWERYA TTHIRI OKUPALI ELE BIIBILIYA ONIHIMYA AWE?

Aayo, mwaha wa mathowa manli:

• Muluku Tokumihenrye okumi wa vatthokoni. Biibiliya onihimya wira maloko otheene . . . anikuxa nsina na Yehova Muluku. (aÉfeso 3:14, 15) Mmasu makina, emusi ennuuraana okhala wira Yehova topattuxale. Xeeni moolumo awo aryaaya ooreerela?

  Muthokorerye ela: Aakhanle wira munilya yoolya yoosiva nto khiyaphavela osuwela itthu sirumeeliwe, ti pani mwaarowa anyu omukoha? Tthiri, mwaarowa omukoha mutthu aapeyale eyoolya eyo.

  Moolikanasa, wira nisuwele itthu sinikhaliherya etthoko okhala yoohakalala, nihaana waavya malakiheryo a Yehova, Namapattuxa a etthoko.—Maphattuwelo 2:18-24.

• Muluku onnoothokoreryani. Imusi sinimwiira saana akhala wira sinimwaavya malakiheryo a Yehova, yaawo ari mBiibiliyani. Mwaha wa xeeni? “Okhala wira owo onnokhapelelani”. (1 Pedru 5:6, 7) Yehova oniphavela wookhaliheryani ni murima wotheene, nto miruku sawe ti sa faita!​—Miruku 3:5, 6; Yesaya 48:17, 18.