Malakiheryo Para Atthu Amurwenle Konkresu

ANAMATHOONYERYA Muteko aya anamathoonyerya, wookhaliheryani. Xontte, mukhweiherye muteko aya muttharaka oratteene malakiheryo aya, anivarihana ni opuro woopweha ikaaro, anivira atthu, osuka opuro wookilaathi ni itthu sikina.

ETEPARTAMENTO ANIKHALIHERIWA ARETTA Xontte, muhiliyaleke wiira etepartamento ela enithokorerya iretta sootutuxerya paahi.

ETEPARTAMENTO YA SOORIMEELA NI SOOTTOTTIWA Itthu sootheene sinittottiwa, sihaana oroihiwa etepartamento ya Soorimeela ni Soottottiwa. Akhala wiira moorimeeliwa etthu, murowe etepartamento yeela wiira mwawehe etthu yoorimenleni. Anamwane arimenle ahaana oroihiwa etepartamento ela. Masi, etepartamento ela khahiyo nipuro ninkhapeleliwa anamwane. Xontte, mwaakhapeleleke aniinyu ni akhaleke ni nyuwo.

MUTEKO WOOWIIVAHERERYA Mwaaphavelaka okhaliherya miteko sinivarihana nikonkresu ola, xontte mulavule ni anna a etepartamento ya Soohimmwa ni Muteko Woowiivahererya.

OPATISO Ale anrowa opatisiwa ahaana okilaathi opuro osukeriwa aya ohoolo wa epalku, vahikhanle wiira ninrowa othanliwa nipuro nikina. Awo ahaana okilaathi opuro owo ohinatthi opacerya mwaha wa opatiso, onrowa olavuliwa Saabadu voosiisu. Khula mutthu onrowa opatisiwa, ohaana oruuha etuwalya ni ikuwo sooreerela owara okathi wa opatiso.

OPURO WOOKILAATHI Xontte mwaattittimiheke atthu akina. Yoowuupuxerya: Mwaasukeryeke opuro atthu yaale murwanne anyu hoothe, munikhalana anyu etthoko emosa, atthu a vatthokoni vanyu aahiiso anaxikola anyu a Biibiliya paahi. Noovara metto, muhipweheke mirupa sanyu mapuro yaarowa aya okilaathi atthu akina.

SOOVAHA Woorumeeliwa musurukhu munceene wiira okhale opuro wookilaathi, mikrofooni, ikaruma sa iviidiyu ni miteko sikina seiyo sinnikhaliherya omwaattamela Yehova. Nto, soovaha sanyu ni murima wootheene, sinookhaliherya oliveriwa itthu iyo ni sinnikhaliherya muteko woolaleerya olumwenku wootheene. Wiira nookhweiheryeni okhaliherya, mapuro ala sookhala ikaaxa mukhanle anyu oovaha musurukhu anyu. Nave nyuwo pooti orumeela esaiti ahu mpantta oni donate.jw.org. Sinnixukhureliwa vanceene soovaha sanyu sootheene. Nikhuuru Noolamulela ninnooxukhurelani vanceene mwaha wa okhaliherya wanyu miteko sa Omwene.

Olokiheriwe ni Nikhuuru Noolamulela na Anamoona a Yehova