WAAKHULIWA WA MAKOHO A MBIIBILIYANI

Diabo Okhumme Woowi?

Muluku khompattunxe Diabo. Masi, Muluku aapattuxale nlaikha nenlo muhoolo mwaya naathanlale okhala Diabo, yoowo onisuweliwa-tho okhala Satana. Masu a Yesu anooniherya wira khalai aari nlaikha noororomeleya ni noohittheka. Aayo, opattuxiwaka Diabo aari nlaikha neettela exariya ntoko mwaana a Muluku.​—Mmusome Yohani 8:44.

Vaniweryaneya sai nlaikha okhala Diabo?

Nlaikha nenle muhoolo mwaya naapaken’ye Diabo, nathanlale omurukunuwela Muluku, nto khuwoopererya Adamu ni Eva ommwareela Muluku. Tivonto owo aarimwiipaka okhala Satana, nuulumo nlo nintaphulela: “Nwanani”.​—Musome Maphattuwelo 3:1-5; Wisupulula 12:9.

Ntoko siniireya aya ni soopattuxiwa sotheene sa Muluku sirina ankhili, nlaikha naipanke okhala Diabo, naahikhalana otaphuwa woothanla opaka itthu sookhalela wala soohikhalela, nto khupacerya ophavela okokhoreliwa ntoko Muluku. Ophavela wawe ovuwa waari wuulupale ovikana ophavela omuhakalaliha Muluku.​—Mmusome Matheyo 4:8, 9; Yakobo 1:13, 14.

Vano Satana oniwerya sai ovikaniha waawoka apinaatamu? Nireeke muhaana omoova? Munoowerya ophwanya waakhuliwa waya makoho ala mBiibiliyani.

Wira musuwele itthu sikina, nwehe muru 10 wa eliivuru ela, Biibiliya Oniixuttiha Exeeni Tthiri?, ekumiheriwe ni Anamoona a Yehova.

[Elatarato epaaxina 16]