“Mooneke Ilatarato!”

Ikwaha kavi mutonko anyu olavula wala omuthoonyerya mutthu mukina nuumala okhunula erevista esya nto khiyaweha efootu? Ilatarato sinipakiwa ni ifootu siniheliwa murevistani mwahu, sookhalana yoolakela aya. Iyo sinnikhaliherya wiixuttiha ni oniiriha wuupuwela ni oweha ele enihimya aya. Ilatarato iyo pooti onikhaliherya okathi onitthokiha ahu Yoosoma ya Owehaweha.

Mwa ntakiheryo enninooniherya nthowa naya elatarato yoopacerya epwehiwe aya murevistani mmo wanipacerya wa yoosoma. Entaphulelani? Enivarihana sai ni mwaha wa yoosoma eyo wala muru wa yoolepa eyo? Nto khula elatarato eniphwanyaneya, muhaana wuupuwelaka moota enivarihana aya ni mwaha owo okathi onithokorerya anyu ni moota woovarihela muteko mookumini mwanyu.

Mulipa oniiriha Yoosoma ya Owehaweha, onrowa waavekelaka anna wira ekomentari khula elatarato, ni wira ehimyeke moota enivarihana aya ni yoosoma eyo ni moota enimukhaliherya aya khula mutthu. Ikwaha sikina, annikhala masu anlempwa, yaawo anittittimiherya elatarato eyo enivarihana ni ettima enithokoreriwa. Nave ipantta sikina, ole oniiriha yoosoma eyo pooti oweha ettima enivarihana ni khula elatarato eniphwanyaneya. Opaka eyo, enrowa waaphwanyiha mureerelo saana ale anisoma okathi anitokosa aya wira yooneke ele eniixutta aya mBiibiliyani.

Munna mmosa oolavula so: “Nuumala osoma mwaha mmosa wooreera, nto okathi munoona anyu ilatarato, mwaha owo onnitepa oreera”.

[Elatarato epaaxina 32]