MALAKIHERYO A MOOTA WOOSOMA

Mwiixutteke Etthu ni Ifootu

Iliivuru sahu sookhalana ifootu ni iteseenyu sinceene sinnikhaliherya wiixutta iponto suulupale. Munrowa ottottela sai mureerelo ifootu ni iteseenyu iwo?

• Mpaceryeke oweha iteseenyu aahiiso ifootu iyo muhinatthi opacerya osoma mwaha. Ifootu iyo pooti owiirihani ophavela osoma mwaha wootheene. Ntoko siisaale epitisku enimwiiriha aya mutthu ophavela okhuura, maitho annimwiiriha mutthu ophavela osoma. Mwiikoheke so: ‘Etthu xeeni kinoona aka?’ — Am. 7:7, 8.

• Vaavo munisoma anyu mwaha owo, muupuweleke etthu yiirihale oheliwa eteseenyu aahiiso efootu eyo. Musomeke moolumo anitthokiherya efootu aahiiso eteseenyu eyo. Nweheke moota ifootu aahiiso iteseenyu sinivarihana aya ni mwaha owo ni moota sinrowa aya wookhaliheryani mookumini wanyu.

• Nuumala osoma, nyuwo pooti otthikela oweha ifootu aahiiso iteseenyu wiira muupuweleke iponto suulupale. Nwaleke maitho anyu wiira mmananihe wuupuwelela itthu mwiixuntte anyu ni iteseenyu iyo.

• Mutthikele oweha ifootu aahiiso iteseenyu sa erevista eyo wiira nwehe vakhala wiira munnuupuwela iponto mwiixuntte anyu.