WAAKHULIWA WA MAKOHO A MBIIBILIYANI

Muluku orina erutthu xeeni?

Muluku orina erutthu yomunepani ehinooneya. Owo topattunxe erimu, elapo ya vathi, ni itthu sotheene sirina okumi. Khuuvo mutthu ompattunxe Muluku, maana owo khorina mapacereryo. (Esalimo 90:2) Muluku oniphavela wira atthu emphaveleke ni asuwele ekeekhai.​—Musome Miteko 17:24-27.

Hiyo nnoowerya osuwela nsina na Muluku. Nave-tho, nnoowerya osuwela mikhalelo sawe niwehaka itthu sipattuxale awe. (aRoma 1:20) Masi, wira nimusuwele saana, nihaana osomaka Nuulumo nawe. Biibiliya onninooniherya ophenta wa Muluku.​—Musome Esalimo 103:7-10.

Muluku onoonela sai otakhala ori molumwenkuni?

Mpattuxa ahu, Yehova, onninyokha otakhala. (Otumererya 25:16) Nave, ohaapattuxa apinaatamu ailikanyihaka mmansawe. Ti maana aya hiyo ninnyokha ahu otakhala. Itthu soohiloka siniiraneya molumwenkuni khasinikumiheriwa ni Muluku. Owo ohaavaha apinaatamu othanla etthu mootaphuwa. Mooriipiha murima, atthu anceene khanirumeela saana yoovaha ela, nto khiyapaka itthu sootakhala. Yehova onniriipiwa murima vanceene.​—Musome Maphattuwelo 6:5, 6; Otumererya 32:4, 5.

Yehova onniphenta exariya, nto khonrowa ohiya otakhala okhumelelaka mahiku otheene. (Esalimo 37:28, 29) Biibiliya onnileiherya wira moohipisa Muluku onoomaliha otakhala wotheene.​—Mmusome 2 Pedru 3:7-9, 13.

Wira musuwele soohimmwa sikina, moone muru 1 wa eliivuru ela, yoolaleiwa ni Anamoona a Yehova

Mubaxari va www.jw.org/vmw