WAAKHULIWA WA MAKOHO A MBIIBILIYANI
Xeeni siniphwanyaneya aya iprofesia sinceene mBiibiliyani?
Biibiliya ookhalana iprofesia sinceene siiraneyale. Khaavo mutthu oniwerya ohimya saana itthu sa muhoolo. Mwekeekhai, wiiraneya wa iprofesia onnooniherya wira Biibiliya ti Nuulumo na Muluku.—Mmusome Yoxuwa 23:14; 2 Pedru 1:20, 21.
Wiiraneya wa iprofesia sa mBiibiliyani onninivaha mathipelo oomwaamini Muluku. (aHéberi 11:1) Nave iyo, sinninroromeliha wira sooleiherya sa Muluku voohimya sa itthu sooloka sa muhoolo sinimwiiraneya. Nto iprofesia sa mBiibiliyani sinninivaha nlipelelo neekeekhai.—Musome Esalimo 37:29; aRoma 15:4.
Iprofesia sa Biibiliya sinnikhaliherya sai?
Iprofesia sikina sinnaalopola arumeyi a Muluku wira ahaana opaka etthu. Mwa ntakiheryo, okathi maKristau oopacerya yoonale aya iprofesia sikina siiraneyaka, yaahitthyawa oYerusalemu. Muhoolo mwaya, okathi epooma ele yaapwetexiwe aya mwaha woowi anamunceene yaahimukhootta Yesu, maKristau yiira etthyawenle ene opuro woomaaleleya.—Mmusome Luka 21:20-22.
Olelo-va, wiiraneya wa iprofesia onooniherya wira Omwene wa Muluku moohipisa onoomaliha olamulelo ni iguvernu sa apinaatamu. (Daniyeli 2:44; Luka 21:31) Nto ti vootthuneya wira khuta mutthu amananiheke omwiiwelela Mwene, Yesu Kristu, yoowo othanliwe ni Muluku.—Mmusome Luka 21:34-36.
Wira musuwele soohimmwa sikina, muwehe muru 2 wa eliivuru ela, yoolaleiwa ni Anamoona a Yehova
Enniphwanyaneya-tho va www.jw.org/vmw