Biibiliya​—Soohimmwa Sekeekhai ni Iprofesia Soororomeleya

Exeeni enooniherya wira Biibiliya onnivarihana ni soohimmwa sa olumwenku? Iprofesia xeeni siri mBiibiliyani seiyo siiranen’ye sinnikupaliha wira iprofesia sa muhoolo sinimwiiraneya tthiri? Nto, DVD oni: A Bíblia​—Um Livro de Fatos e Profecias, mpantta awe wa neeraru oni: A Bíblia—​História Exata, Profecias Confiáveis, onnaakhula makoho ala. Nuumala woona eviidiyu ela, niireke wira munoowerya waakhula makoho ala?

(1) Mwaneene soohimmwa soororomeleya siri mBiibiliyani ti pani? (Dan. 2:28) (2) Moota xeeni Biibiliya sinooniherya awe okhala eekeekhai mmyaha sa wEjiitu a khalai, ni yiiranen’ye sai eprofesia elempwale eliivuru ya Yesaya 19:3, 4? (3) Moota xeeni soohimmwa sa atthu ale anithipa mapuro yaakhaliwa khalai sinaakhulela aya opwetexiwa wa Asiria ni mamwene aya? (Nah. 3:1, 7, 13) (4) Iprofesia xeeni voohimya sa Babilonia soonihenrye okhala sekeekhai? (Yer. 20:4; 50:38; 51:30) (5) Iprofesia xeeni voohimya sa oMedo-Persia siiranen’ye? (Yes. 44:28) (6) Yiiranen’ye sai eprofesia ya Daniyeli 7:6 ni 8:5, 8 voohimya sa oGresia? (7) Moota xeeni yiiranen’ye aya eprofesia ya Daniyeli 7:7, voohimya sa oRoma okhala omwene onilamulela ilapo sotheene? (8) MaSeesari xeeni aniromoliwa mBiibiliyani? (9) Exeeni yaawiranenle maKristau okathi wa olamulelo wa Nero? (10) Siiranen’ye sai iprofesia siri eliivuru ya Wisupulula 13:11 ni 17:10? (11) Onithoonyerya exeeni mwene a neethanu neeraru? (12) Exeeni moonale anyu nviidiyuni enooniherya okhala waya eekeekhai masu a Musuweli 8:9? (13) Iprofesia xeeni sa muhoolo siniwehererya anyu wira siiraneye? (14) Munrowa orumeela sai eviidiyu ela wira mwaakhaliherye akina okupali wira Biibiliya uupuxeriwe ni Muluku?