‘Omwene Anyu Orwe’—Nivekelo Nimpakiwa ni Atthu Anceene
Niireke mootoko ovekela wira Omwene wa Muluku orwe? Okhuma khalai, atthu anceene annipaka nivekelo noowi: ‘Omwene anyu orwe’. Exeeni eniwiiriha opaka nivekelo nlo? Annivekela mwaha woowi, Yesu aahaaleela atthareli awe ovekela Omwene wa Muluku.
Atthareli a Yesu khiyaasuwela itthu sotheene voohimya sa Omwene. Nto yaahimukoha Yesu wira: “Pwiya, ti yola okathi onrowanyu otthikiherya omwene wa Isarayeli?” Awo yaahitikinihiwa vaavo Yesu aahaalenle awe mooluluwanya okathi Omwene onrwa aya. (Miteko 1:6, 7) Niireke eyo enitaphulela wira khivaniweryaneya osuwela Omwene exeeni ni okathi onrowa aya orwa? Nnaari!
Erevista ela Owehaweha, enoonikhaliherya waakhula makoho anittharelana:
Xeeni nimphavela ahu Omwene wa Muluku?
Tani ori Mwene a Omwene wa Muluku?
Omwene wa Muluku onrowa olamulela silini valaponi?
Omwene wa Muluku onrowa opaka exeeni muhoolo?
Xeeni vanireerela aya okhaliherya Omwene wa Muluku niinaano-va?
Omwene wa Muluku exeeni?