Biibiliya, Ovareleya Wawe Muteko Mookumini Mwanyu
Biibiliya ohaakhaliherya atthu imilyau sinceene orukunuxa okumi aya khukhala wooloka. Malamulo xeeni ari mBiibiliyani aniwerya onikhaliherya oxintta mixankiho sinikumana ahu olelo-va, akhala wira ninnivarihela muteko? Mwekeekhai, nyuwo munrowa ophwanya waakhuliwa wa nikoho nna, okathi onirowa anyu othokorerya mwaha ori nviidiyuni oni A Bíblia: O Poder Dela na Sua Vida, mwa eviidiyu ya nenli ya iviidiyu tthaaru seiyo sinooniheriwa mu DVD oni: A Bíblia—Um Livro de Fatos e Profecias. Nuumala woona eviidiyu ela, niireke wira munoowerya waakhula makoho ala?
(1) Moota xeeni Biibiliya ohikhanle awe eliivuru pure? (aHéb. 4:12) (2) Akhala wira Biibiliya onniwerya waakhaliherya atthu olokiherya makhalelo a okumi aya, nthowa xeeni apinaatamu arina aya mixankiho sinceene? (3) Tuuvi ori muru muulupale wa Biibiliya? (4) Soolepa xeeni sa Biibiliya sihimmwale nviidiyuni, siniwerya waakhaliherya anamathelana (a) olokiherya moota anuulumihana aya vatthokoni ni (b) ohitepaka onanariwa? (5) Moota xeeni okhalana moonelo wa eKristau voohimya sa ekasamento olokihenrye aya okumi wa vatthokoni? (aÉf. 5:28, 29) (6) Moota xeeni Yehova ovanha awe ntakiheryo noolokexa wa anamuyari? (Mar. 1:9-11) (7) Moota xeeni anamuyari anrowa aya wiiriha yoosoma ya etthoko okhala yoohakalaliha? (8) Ohiya paahi yoosoma ya Biibiliya, etthu xeeni ekina Biibiliya enaatumererya awe anamuyari wira yaavaheke anaaya? (9) Moota xeeni miruku sa Biibiliya sinikhaliherya aya itthoko okhumela saana mmoota woorumeela musurukhu? (10) Vaavo vanivariheliwa aya muteko, moota xeeni miruku sa Biibiliya voohimya sa oratta, murette woohapaliha, ohapaliwa, vamosa ni soothananiha, siniwerya aya ovukula mixankiho sa ekumi? (11) Anatiri xeeni ari mBiibiliyani aniwerya onilipiha? (Yobi 33:25; Esal. 145:16) (12) Moota xeeni sowiixuttiha sa Biibiliya silokihenrya aya okumi anyu? (13) Munrowa orumeela sai eviidiyu ela wira mwaakhaliherye atthu akina?