Muhiitthokiha Voohimya sa Eretta Yootutuxerya?

Mootutuxerya, pooti onikhumelela oretta. (Yak. 4:14) Nto, ole ori a miruku onniimananiha wiitthokiha. (Mir. 22:3) Niireke wira moothanla ni olepa muthinto wa olooliwa oneemererya anyu? Eviidiyu Tratamentos Alternativos à Transfusão: Atendendo às Necessidades e aos Direitos do Paciente, mpantta wa nenli wa DVD oni: Alternativas à Transfusão — Série de documentários ekumiheriwe wira nikhaliheriwe mmwaha ola. Okathi muniweha anyu, moone akhala wira munoowerya waakhula makoho ala anittharelana. Okhala wira eviidiyu eyo enniwooniherya atthu yooperariwaka, axitiithi ahaana oweha akhala wira vanooloka anamwane acikhaani oweha.

(1) Nthowa xeeni matotoro ni mameetiko antthikela aya ovarerya inamuna sa waaloola aretta arumeelaka ephome? (2) Nvahe matakiheryo mararu a operasau ooxankiha yiiriwe moohiheleliwa ephome. (3) Nthowa xeeni mameetiko oowiiraka ikonto sene ni masirurgião (mameetiko aniwooperari atthu) elapo yotheene, aneemererya aya waaloola aretta mohaahelela ephome? (4) Mahiku ala, exeeni asuweli a myaha sa iretta yiixuntte aya voohimya sa olooliwa aretta erumeeliwaka ephome? (5) Sowoopiha xeeni sinkhumelela mwaha wa oheleliwa ephome? (6) Exeeni mameetiko manceene anikupali aya vano voohimya sa mireerelo sa waaloola aretta voohirumeela ephome? (7) Etthu xeeni enikumiherya oretta oniihaniwa anemiya (ohikhala ephome), nto exeeni enipakiwa wira okhaliheriwe mutthu yoole orina anemiya? (8) Moota xeeni woomukhaliherya muretta wira epakeye ephome mowaakuveya mwerutthuni mwawe? (9) Exeeni enipakiwa okathi wa operasau wira ephome ehitepe oyiiheya? (10) Niireke wira vanniweryaneya wiiriwa operasau mohaahelela ephome anamwane ni atthu yaale atempe owereiwa? (11) Moonelo xeeni wooloka ni wootthuneya onitthariwa voohimya sa moota wowaaloola aretta?

Okhala wira mithinto sikina sa olooliwa yoothanla mutthu mwaneene moovarihana ni yowuupuxerya ya murima awe, nto muhiwehererye okhumelela oretta wootutuxerya wira muhimye muthinto xeeni wa olooliwa oneemererya anyu. Eliivuru Omphenta Muluku, muru 7, ni ireferensia siromoliwe musuplementoni ya Orummwa Ahu wa Omwene, Novembro, 2006 sinrowa wookhaliheryani opaka yoothanla yooloka. Nuumala-vo, okhala wira moobatiziwa, mmaliherye olepa yoothanla anyu ekartau eni: Diretrizes Antecipadas Relativas a Tratamento de Saúde e Outorga, ni mukuxeke okathi wotheene muneetta anyu.

[Eponto yuulupale epaaxina 3]

Niireke wira moothanla ni olepa muthinto wa olooliwa oneemererya anyu?