Amiravo Annikoha: Exeeni Enirowa aka Ovara Mookumini Mwaka? (Mpantta 1)
Vaavo amiravo aninnuwa aya, ahaana opaka soothanla sootthuneya. Nto wira akhaliheriwe amiravo, yoolokiheriwa eviidiyu Os Jovens Perguntam — O Que Fazer da Minha Vida? Wanipacerya wa eviidiyu eyo, muhule opuro oni: Iniciar o drama, nto moone mwaaweryaka waakhula makoho ari ettima 2 vathi-vo. Nuumala-vo, murowe opuro oni: Entrevistas ni muthanle mpantta oni Relembrando, nto mwiimananihe waakhula makoho ari ettima 3.
Edrama: (1) Moota xeeni mikhalelo sa Timootheyo sinlikana aya ni mikhalelo sa amiravo anceene maKristau olelo-va? (2) Moota xeeni Andre aakhanyereriwa awe omwiira xooku a otthimaka mooxinttana? (3) Exeeni munna Fleissig aamulenle awe Andre voohimya sa (a) wiivahererya wa Yehova ni otthimaka mooxinttana? (Math. 6:24) (b) moota woophwanya ohakalala wekeekhai? (c) ele waamuupuweliha awe muhasa aarumeela awe opuro yaari atthu yaatthukweliwe? (d) atthu ari valataratoni nuuwo ni amwaarawe? (e) ohithanana wawe mwaha woohiya ele yaaphavela awe ophwanya? (aFil. 3:8) (4) Moota xeeni apiipi awe Andre yaakhunle aya nikoho nawe noowi: “Ti voovonyeya miyo ophavela okhala mutthu onitthimaka oovuwa?” (Luka 4:5-7) (5) Niireke otthimaka mooxinttana waahimphwanyiha Andre ohakalala wekeekhai? (6) Exeeni yoosivenleni voohimya sa ewarakha yookiserya munna Fleissig aamulepenle awe Andre? (Mir. 10:22) (7) Exeeni munna Fleissig aamutumerenrye awe Andre ophavelasa?
Wuupuwelela (Relembrando): (8) Miteko xeeni sa mulaponi seiyo munna mmosa ni murokora yaavara aya, nto exeeni yaawiiriha ovara miteko iyo? (9) Okhumela waya saana waari woowiira sai? (10) Masi exeeni yaawiirinhe ohiya miteko iyo? (2 aKor. 5:15) (11) Miteko xeeni somunepani saaranttelinhe miteko saya sa mulaponi, ni exeeni yaakhalihenrye woona wira khiyaarowa owerya ovara miteko iyo miili okathi omosaru? (12) Niireke aathanana mwaha woorukunuxa soolukama saya mookumini? (13) Exeeni ehimmye aya yookhalihenryeni wuupuwela moota woorumeela okumi anyu?
Xontte nwehe makoho ni waakhuliwa makina ni masu oowuncererya a eviidiyu, ni mwiilokiherye wira mwaakhule mwaha onirowa othokoreriwa esumana enirwa mMuthukumano wa Orummwa.