Murumeele Saana Irevista sa Khalai

Irevista sa khalai khasinrowa omukhaliherya mutthu sipwehiwe ene paahi wala orihiwa. Tivonto, nihaana okawaka. Erevista emosa pooti omwiiriha mutthu osiveliwa ekeekhai ni opacerya ovuwiha nsina na Yehova. (aRom. 10:13, 14) Malakiheryo anittharelana anoonikhaliherya orumeela saana irevista sa khalai.

• Mittetthe sihinimakela olaleeriwa, pooti ohiya irevista iyo inupa sihikhanle atthu, masi opuro ohinooneya.

• Okathi onilaleerya anyu mapuro otheene ari atthu, ntoko opuro oniweliwa xaapa wala komboi, mwaakoheke atthu awo akhala wira anniphavela osoma etthu. Nwooniherye irevista sa khalai, ni mwaavekele othanla enaasivela.

• Akhala wira muttetthe anyu ookhalana mapuro anikatthiwa ikuwo ni maakina, ipa sinaakhapelela atthu oowuuluvala, hospitali, wala opuro mukina anikhala atthu, muhiye irevista sikina mapuro awo. Ikwaha sinceene, ti vooloka onvekela muhooleli a opuro owo muhinatthi ohiya irevista iyo. Akhala wira munnoona irevista sahu sinci, ti vooloka ohihiya-tho.

• Okathi muniilokiherya anyu wira mwatthikele waaxukurya atthu, muupuwelele ele enimusivela khuta mutthu. Niireke owo ohaana emusi? Onnimusivela weetta mukwaha? Wala opaka ejardim? Mwaavye irevista sa khalai wira moone saarina ene mwaha onirowa omusivela, ni munvahe okathi onirowa anyu omuxukurya.

• Vaavo munimphwanya anyu mutthu osiveliwe ekeekhai, yoole muhaakumana anyu myeeri sinci, munvahe irevista sa khalai ohaakhenle awe.