“Mukawe Irevista sa Khalai wala Ebroxura Enaasivela Atthu”

Myeeri nnivaha ahu eliivuru Biibiliya Oniixuttiha Exeeni, ni soosoma sa Biibiliya mmukwaha woopacerya oxukurya, ‘nikaweke Irevista sa Khalai wala Ebroxura Enaasivela Atthu’, vaavo nnimphwanya ahu mwaneene etthoko orina ene eliivuru eyo ni ohinaphavela omusoma Biibiliya. Nthowa Xeeni?

Ibroxura wala Irevista sa khalai sinnithokorerya myaha sinikhumelela okathi ahu. Iliivuru iyo sinoowerya ovara murima wa mwaneene etthoko. Tivonto, okathi munilokiherya anyu murupa anyu wira murowe olaleerya, muhiliyaleke okuxa ibroxura ni irevista sa khalai. Mwaahikhalane irevista sa khalai, pooti oveka mmulokoni opuro onikuxa ahu irevista. Nto, akhala wira mwaneene etthoko ookhalana eliivuru Biibiliya Oniixuttiha Exeeni, masi khontthuna omusoma Biibiliya, pooti omooniherya irevista wala ibroxura sirina anyu, ni munvekele wira othanle iye sinimusivela. Moottharelana, mumpake palano wira mwamuxukurye mphavelaka wunnuuherya osiveliwa wawe ekeekhai. Wira siiso, pooti onikhaliherya opaceriha yoosoma ya Biibiliya.