Arokora arumeelaka ebroxura Ihapari Sooreera oMadagascar
Olaleerya Wookhweya
OWEHAWEHA
Nikoho: Munuupuwela wira olumwenku ola waamuloka vakhanle wira atthu otheene anneettela yoolepa ela?
Yoolepa: aHé 13:18
Moota wookawa: Biibiliya onninitumererya okhala oororomeleya mwa itthu sotheene. Maana ororomeleya mukhalelo onireerela ahu wooniherya khula okathi mwekumini mwahu. Tivonto, erevista ela ennitthokiherya mwaha owo.
OWEHAWEHA (epaaxina yookiserya)
Nikoho: Munaakhula sai nikoho nla. [Musome nikoho noopacerya.] Atthu anceene anikupali wira mutthu akhwa onnivikaniha okhala mukumi nipuro nikina, aakhala anoona wira okhwa omala wa itthu sotheene. Ankhi nyuwo enikupali anyu tiivi?
Yoolepa: Mus 9:5
Moota wookawa: Muru ola onnitthokiherya moonelo wa Biibiliya vohimya sa mwaha ola. Munniphavela osoma? Nto miyo kinniphavela otthika wira nivaanele nihiku nikina.
IHAPARI SOOREERA SINIKHUMA WA MULUKU!
Moota wookawa: Kiniphavela owooniheryani moota enipakiwa aya yoosoma ya Biibiliya mahala. Ebroxura ela ennooniherya moota woophwanya mBiibiliyani mwanyu waakhuliwa wa makoho ootthuneya.
Nikoho: Mootoko omusoma Biibiliya? Kaaphavela owooniheryani moota vanikhweya aya opaka yoosoma eyo. [Muthokorerye nikoho 1 nri mwaha 2.]
Yoolepa: Wis 4:11
MULEPE MOOLUMO ANYU OOLALEERYA
Murumeele malakiheryo ala wira mulepe moolumo anyu oolaleerya.