Olaleerya Wookhweya

A SENTINELA

Nikoho: Niireke nyuwo munneemererya wira Biibiliya ahaakhanle eliivuru enikhuma wa Muluku khaawerya ophiya olelo-va ohipwetexiwe?

Yoolepa: Yes 40:8

Moota Wookawa: Erevista ela ennitthokiherya moota Biibiliya owenrye awe osukiwa mpakha olelo-va.

A SENTINELA (epaaxina yookiserya)

Nikoho: Kaaphavela osuwela moota munaakhula anyu nikoho nla. [Musome nikoho noopacerya niri epaaxina 16.] Ahaavo atthu anuupuwela wira etiini ekumiheriwe ni apinaatamu. Akina anuupuwela wira Muluku onirumeela etiini wira hiyo nimwaattamele. Ankhi nyuwo munoonela sai?

Yoolepa: Yak 1:27

Moota Wookawa: Muru ola onnitthokiherya ele Biibiliya enihimya awe sinivarihana ni mwaha ola. Vaamukisivela otthika nihiku nikina wira kisuwele moonelo anyu nuumala osoma mwaha ola.

IHAPARI SOOREERA SINIKHUMA WA MULUKU!

Nikoho: Anamunceene anoona wira osoma iprofesia sa mBiibiliyani onoolikana ni osoma ejornaale. Itthu xeeni saahimmwale vahinatthi sitonko anyu woona wala wiiwa?

Yoolepa: 2Ti 3:1-5

Moota Wookawa: Ebroxura ela ennitthokiherya nthowa naya makhalelo awo aryaaya ihapari sooreera wa atthu animphenta Muluku. [Muttittimiherye yoosoma 1, nikoho 2.]

MULEPE MOOLUMO ANYU OOLALEERYA

Murumeele malakiheryo ala wira mulepe moolumo anyu oolaleerya