Estheri Aahileva Mwaha wa Yehova ni Atthu a Nloko Nawe

Estheri aari oolipa murima khwiileva wira omwaakiherye Yehova ni atthu awe

8:3-5, 9

• Nnaamwi Estheri ni Mardokeyo yahaarowa wiiviwa, masi nlamulo naakumiheriwe ni Hamani nahuulaana mmuttettheni motheene mwa omwene ole.

• Estheri aahileva ekumi awe khurowaka ohoolo wa mwene ohiitthaniwe. Owo aahimuxonttela mwene wira atthu a nloko nawe ahiiviwe ni omalamalihe nlamulo nle nootakhala.

• Okhala wira okathi ole nlamulo naakumiheriwe ni mwene khinaaturukeya, nto mwene aahimweemererya Estheri ni Mardokeyo olepa nlamulo nsya.

Yehova ahaavaha atthu awe owerya wa waaxintta awanani aya

8:10-14, 17

• Naahikumiheriwa nlamulo nikina naaweemererya aYuda wiixaakiha.

• Anakhavalo yaahirowa mowaakuveya khula muttetthe wa elapo ele olaleya wira aYuda yaahaana wiilokiherya wira awane ekhotto.

• Atthu anceene yaawenhe wira Muluku ahaakhaliherya atthu awe yaaheemererya wiikhaliha aYuda.