Okhweiherya Ekumi Ahu Onoonikhaliherya Onvuwiha Muluku

Olelo-va, sookhala itthu sinceene sinixankiha okumi ahu. Vanitthuneya okathi ni ikuru wira nirowe nathume mireerelo, ophwanya musurukhu woothumana, okathi wira nirumeele itthu iyo, olokiherya ni okhapelela mihakhu sahu. Yesu aarina ekumi yohaattiheriwa itthu, tivonto yahaakhanle aya etthu yaamwiiyerya okathi, nto aahiwerya ovara muteko awe.​—Mat 8:20.

Vano nyuwo munrowa ovukula sai soophavela sa ekumi anyu wira mukhaleleke nthiti muteko woolaleerya? Niireke sapakiwa mirukunuxo vatthokoni vanyu, vanweryaneya hata mutthu mmosa okhala pioneero? Hata nenna-va nvaraka muteko wa orummwa wa okathi wotheene, niireke muheemererya itthu sa werutthuni oowiiyeryani okathi anyu? Okhweiherya ekumi ahu wira nimurumeele Yehova onnikumiherya ohakalala.​—1Ti 6:7-9.

Mulepe inamuna mukhanle anyu ookhweiherya ekumi anyu.