Mwiixuttiheke Ekeekhai.

Okhuma mweeri wa Setembro, ekaderno Okumi ni Orummwa Ahu wa Ekristau, enaamurwaana enamuna esya ya olaleerya wookhweya yeeyo erina muru oni “Mwiixuttiheke Ekeekhai”. Yoolakela ya mpantta ola ti owiixuttiha atthu ekeekhai ya mBiibiliyani nirumeelaka nikoho ni yoolepa.

Vakhala wira ninnoona wira mutthu owo onnisiveliwa ekeekhai, hiyo pooti omuhiyerya eliivuru, wala omooniherya eviidiyu eri va jw.org wira ninnuuherye osiveliwa wawe ekeekhai. Hiyo nihaana omananiha otthikela olavulana mutthu owo vahilokenle wira ninnuuherye osiveliwa wawe ekeekhai. Enamuna ela esya yoolaleerya enrowa orumeeliwaka ni anaxikola okathi wa mithukumano, eniphwanyaneya wanikisa wa khula muru wa eliivuru Biibiliya Onniixuttiha Exeeni? Nipuro nlo nnowerya ophwanya makoho makina ni soolepa sinrowa onikhaliherya opaka mikwaha sootthikela oxekurya ni wiiriha soosoma, nimurumeelaka Biibiliya paahi.

Ephiro eniroiha weekumini eri emosa paahi. (Mat 7:13, 14) Okhala wira hiyo ninnilavulana atthu a itiini ni makhalelo oovirikana, nihaana orumeela ekeekhai ya mBiibiliyani enoona ahu wira enonvara murima mutthu owo. (1Ti 2:4) Okathi onirowa ahu orumeelaka vanceene myaha sooverikana sa mBiibiliyani ni olokiherya inamuna sahu soolaleerya nto ninrowa ‘olaleyaka orattene ehapari ya ekekhai’, eyo enimuncererya ohakalala wahu ni nnookhumela saana okathi onrowa ahu owiixuttihaka atthu akina ekeekhai.​—2Ti 2:15.