Olaleeriwaka waattamela oMonrovia, oLiberia

Ovaanela Voohimya sa Biibiliya

●○○ OVAANELA WOOPACERYA

Nikoho: Niireke Biibiliya nlelo ookhalana efaita?

Yoolepa: 2 Ti 3:16

Muhiye Nikoho Nla: Ihapari xeeni siri mBiibiliyani?

○●○ OTTHIKELA OXUKURYA WOOPACERYA

Nikoho: Ihapari xeeni siri mBiibiliyani?

Yoolepa: Mat 6:10

Muhiye Nikoho Nla: Omwene wa Muluku onrowa opaka exeeni?

○●○ OTTHIKELA OXUKURYA WA NENLI

Nikoho: Omwene wa Muluku onrowa opaka exeeni?

Yoolepa: Da 2:44

Muhiye Nikoho Nla: Omwene owo onrowa okumiherya mareeliho xeeni valaponi?

Okhuma mweeri ola, muthukumano wa eriyari ya esumana khonrowa-tho wooniheryaka inamuna soolaleerya 3 soovirikana. Masi, Ekaderno Okumi ni Orummwa Ahu enookhalanaka ovaanela voohimya sa Biibiliya. Enookhalanaka nikoho, yoolepa, ni nikoho nowaakhula ekwaha yootthikela oxukurya. Khula esumana enimooniheriwaka eviidiyu emosa paahi ya ovaanela voohimya sa Biibiliya. Orumeelaka iliivuru Sinnikhaliherya Wiixuttiha, namalaleerya pooti othanla eliivuru eniphavela awe othokorerya, vamosa ni okathi woothokorerya: pooti okhala okathi wa ovaanela woopacerya wala wootthikela oxukurya. Nave, ekaderno enookhalanaka ipantte piili sa otthikela oxukurya. Eyo enoonikhaliherya owiixuttiha ‘othene ale aniphavela ekumi yohimala’.—Mit 13:48.

Soothanleliwa sa Naxikola: Vahikhanle wira anivahiwa malakiheryo makina, anaxikola ahaana opaka yowooniherya arumeelaka ovaanela voohimya sa Biibiliya.