Atthu Vakhaani Annaakawela Yoolya Atthu Anceene

Ohalaka okathi vakhaani wira opakiwe Paasikha a 32 EC, Yesu aahipaka mwiiriirya, yoowo oniphwanyaneya Ivangelyo sooxeexe.

Orumeelaka mwiiriirya ole, Yesu aahivaha ntakiheryo nenlo onivarihela awe muteko mpakha olelo-va.

14:16-21

• Yesu aahaaleela awiixutti awe wira yaavahe yoolya atthu anceene, vanaamwi yaarina iphaau thanu ni ihopa piili paahi

• Yesu aahikuxa iphaau ni ihopa, aahipaka nivekelo, nuumala-vo aahaakawela awiixutti awe, nave awo yaahaakawela atthu anceene

• Orumeelaka mwiiriirya ole, aahikumiherya yoolya yaaphiyerya atthu otheene. Nto, Yesu aahaavaha yoolya atthu anceene aarumeelaka atthu vakhaani paahi, eyo piiyo, awiixutti awe

  

• Yesu aahihimya vahinatthi wira mahiku ookiserya, ammukumiherya murumeyi wira ovaheke yoolya ya omunepani “okathi aya”.​—Mat 24:45

• Mwaakha wa 1919, Yesu aahimuthanla “murumeyi òroromeleya ni ànkhili”, egrupu yaamukhaani ya anna oowoottihiwa, wira yaavaheke yoolya “anamuteko” awe

• Orumeelaka egrupu yaamukhaani ya anna oowoottihiwa, Yesu onnitthara ntakiheryo nenlo aavanhe awe eseekulu yoopacerya

Kinrowa wooniherya sai wira kinnimusuwela ni omuttittimiha murumeyi oororomeleya, yoowo Yesu onimurumeela awe wira aavaheke yoolya ya omunepani atthu awe?