Nvikaniheke Owehaweha

25:1-12

Nnaamwi nlikanyiho na Yesu na aximwali 10 naahimyaka alipa-oowoottihiwa, masi nlikanyiho nla ninnivareleya muteko wa maKristau otheene. (w15 15/3 12-16) Owo aahimmye so: “Nwehereryeke, okhala wira khamusuwenle nihiku nnakhala okathi ene”. (Mat 25:13) Munoowerya otthokiherya nlikanyiho nla na Yesu?

• Mutheli (eveersu 1)​—Yesu.

• Imwali sa ankhili, sailokihenrye (eveersu 2)​—MaKristau oowoottihiwa yiilokihenrye wira avareke muteko aya moororomeleya. Awo annaarya ntoko mithuko mpakha wanikisa. (aFi 2:15)

• Okhuweliwa wira: “Mutheli òphiya!” (eveersu 6)​—Ithoonyeryo sa okhala-vo wa Yesu.

• Imwali sa ololo (eveersu 8)​—MaKristau oowoottihiwa anrowa okumana ni Mutheli, masi ahinavikaniha owehaweha ni okhala oororomeleya.

• Imwali sa ankhili sinnikhootta ovaha makhura aya (eveersu 9)​—Nuumala othanliwa wookiserya, khonrowa-tho okhala okathi wira ale oowoottihiwa amukhaliherye mutthu ohiyale waamini.

• Mutheli ahiphiya (eveersu 10)​—Yesu onimoorwa ophukela ahalaka omala maxakha maalupale.

• Imwali sa ankhili saahikela mpaani mwa niira noothela, nto mukhora onniwaliwa (eveersu 10)​—Yesu onnaathukumanya ale oororomeleya khiyaarowana wiirimu; ale oohiroromeleya annipweteiwa eparakha aya wiirimu.