Nivikaniheke Olipelela Nivilelaka

Mpacenrye silini olipelela orwa Omwene wa Muluku? Niireke munnivilela moopixa murima nnaamwi sookhumelelakani mixankiho? (aRo 8:25) Makristau makina annilupatthiwa, othanyiwa, otthukweliwa mukhatteya, ni woopopihiwa wiiviwa. Anamunceene annihaawa mwaha wa iretta suulupale ni wuuluvala.

Okathi wa mixankiho, exeeni enrowa onikhaliherya olipelela niroromelaka? Nihaana olipiha waamini wahu mahiku otheene nimusomaka Biibiliya ni wuupuwelela. Nipweheke opuro woopacerya nlipelelo nahu. (2 aKor 4:16-18; aHé 12:2) Nihaana omuxonttela Yehova ni mavekelo ni onvekela ikuru sa munepa awe wootteela. (Luk 11:10, 13; aHé 5:7) Tiithi ahu oophenta pooti onikhaliherya “ovilela mohawani mothene”.​—aKol 1:11.

NWEHE EVIIDIYU ENI: “HIYO NIHAANA ‘OLIPIHERYA OTTHIMAKA’​—NAAMINIKI WIRA NNIMWAAKHELA ETTHUVO”, NUUMALA-VO MWAAKHULEKE MAKOHO ALA ANITTHARELANA:

• 

  Mixankiho xeeni sootutuxerya sikhanle oonikhumelela? (Mu 9:11)

• 

  Moota xeeni ovekela onnikhaliherya aya okathi wa mixankiho?

• 

  Akhala wira khaninwerya opaka itthu mmutekoni mwa Yehova ntoko naaphavela ahu, xeeni nintthuneya ahu otteeliwaka murima ni itthu ninwerya ahu opaka?

• 

  Exeeni enookhaliheryani ovikaniha ororomela waakhela etthuvo?