MIHAKHU SINIKHUMA MBIIBILIYANI | AGALASIA 4-6
Yowiiraneya ‘Yaathoonyerya’ Itthu Saarowa Wiiraneya Muhoolo
Murummwa Paulo aahirumeela yowiiraneya ela ya ‘nthoonyeryo’, ophavelaka wooniherya wira nivarihano na naanaano ti na vasuluxa ovikana Nlamulo na wataana. Kristu ni axinnawe oothanliwa anoolamulela elapo, nto okathi owo apinaatamu anookhalana eparakha ya otaphuwa ni khanirowa ohaaxiwaka ni etampi, ohimalela, oriipiwa murima, ni okhwa.—Yes 25:8, 9.
EPOTTHA—AGARI Aathoonyerya aIsarayeli a werutthuni (ekapitaali ya elapo aya yaitthaniwa oYerusalemu) yaaleihenrye wiiwelela nlamulo na Moise |
SARA—MUTHIYANA OOTAPHUWA Aathoonyerya Yerusalemu a wiirimu, aahiiso epantte ya wiirimu ya mutthenkeso wa Muluku |
“ANAMWANE” A AGARI Yaathoonyerya aYuda yaaleihenrye wiiwelela Nlamulo na wataana, masi yaahimulupattha ni yaahimukhootta Yesu |
“ANAMWANE” A SARA Yaathoonyerya Kristu ni maKristau 144.000 athanliwe ni munepa |
OPAKIWA EPOTTHA NI NLAMULO NA WATAANA Nlamulo nlo naaniwuupuxerya aIsarayeli wira yaari ipottha sa etampi |
NIVARIHANO NA NAANAANO NINNIPHWANYIHA OTAPHUWA AIsarayeli khiyaawerya wiiwelela moomalela Nlamulo, maana yaari atthu oohimalela. Mukuttho wa Yesu Kristu ohiiriha oweryaneya awo otaphuliwa mwaha wa etampi |